Lanbroa agertu daiteke goizean, baina gero zerua hodei gutxirekin edo oskarbi egongo da. Norabide aldakorreko haize ahula izango dugu, baina arratsaldean tarte biziak izango ditu. Alde termiko zabala izango dugu, eta freskoa izatetik bero handia izatera pasako gara: 13 eta 30 gradu arteko alde termikoa izango dute Gasteizen.
Asteburuari begira, antzeko egoeran egongo gara bai larunbat zein igandean ere. Goizez lanbro eta lainoak agertuko dira, baina ondoren zerua oskarbi geratuko da. Batez ere igande arratsaldean pilatu daitezke bero hodeiak, baina momentuz bederen ez dute ekaitz arriskuren inguruan hitz egin. Tenperaturei dagokienez, minimoak 17 graduan hasiko dira, eta larunbat eta igandean 31 eta 32 gradura iritsiko dira hiriburuan.